Reitbeteiligung zu vergeben im Thurgau

Halli Hallo

Es wär eh Ritbeteiligung ufem Dressurwallach z vergeh. Er isch super lieb und verschmust. Im gländ immer klar im Kopf.
Die älteri Stuete mit Go würsch du au abwechselnd rite. Mir nehmed sie aber au regelmässig am Velo oder als Handross mit is Gländ. Da machts sie mega gern und isch zuverlässig und brav wie en Hund.

Mir sueched e 100 % zueverlässigi Person wo gern 2-3 mol id Wuche regelmässig chunt go rite. Täg noch absproch.
Wel de Bueb e guets usbildets Ross isch mit viel Gang, sueched mir öpert wo scho guet chan rite und sich ih de Dressur witerentwickle wott. Für da gömer 1-2 x ih de Wuche ih die nohliegend Halle uf Berg und nehmed Ritstund binere guetä Trainerin.

Mir Erwartet vo dir:
- Ehrlichkeit, Teamfähigkeit und Sorg zum Material sowie zu de Ross
- Mind. 16 Johr alt
- söttsch mobil si (Auto, Töffli, E-Bike etc.)
- Freud 1-2 x im Monet Rittstund z neh. (Dressur- oder Gymnastikstund)
- Pferdeverständnis und ä fini Hand
- Versicherig «Reiten fremder Pferde»
- Nöd über 70 kg will beidi Ross kei Gwichtsträger sind
- Kostebeteiligung (wenn du noh ih de Usbildig bisch... den weniger) und Bereitschaft zum im Stall mitzhelfe und Ferievertretig z mache
- Au mol mithelfe die Pony zbeschäftige (Joggen, mit em Velo, Bodearbet, Ghymkana, etc.)
- Sattel- und Wetterfest do mir ih zimli jedem Wetter go ritte gönd «Es git kei schlechts Wetter nume schlechti Kleider»
- Brevet wär vo Vorteil

Was mir chönd büte:
- Zwei super Sportross
- Abwechslungsreiches Rittgländ (mir gönd in allne GGA)
- Super tolls Team
- Dressur- sowie Gymnastikstunde
- Longier- und Laufbandarbet
- Sehr guets Material
- Familiäre Privatstall (gepflegter Offestall)

Beidi Ross sind sehr Verkehrssicher und sind weder Bocker no Stiger no Ross wo eifach los renned. Eh chlises Gümpli wills freud hend oder eh Gspenstli im Wald gsehnd chunt sehr sehr selte vor.
Mir sind uf öppert Zueverlässigs ahgwisse well mir immer mitenand d.h. sZweite ritet. Die Zwei lönd sich nöd vonenand trenne. Mir freued üs au immer uf en gemeinsame Höck wo mo au gern mol als Team verschiedni Sache bespreched oder zäme öpis unternehmed.

Bisch du motiviert zum im Ritsport witter z cho, offe für neus und für eh jungs Team? Denn meld di doch gern bi üs. Wenn du froge hesh, dörfsch du die au jeder zit ungeniert stelle.

Mir würed üs sehr freue vo dir z ghöre.